Kritikave në drejtim të mazhorancës adresuara nga deputeti socialist Ben Blushi i është përgjigjur ministri i Financave Arben Ahmetaj. Ai ka deklaruar se treguesit ekonomik nuk janë ato që priteshin por sipas tij tendenca është mjaft e mirë nëse e krahasojmë me vitin 2013, kur e majta erdhi në pushtet.
“Do doja të bie 100 % dakord me deputetin Blushi për reformën në drejtësi. Mazhoranca ka dëshmuar vullnetin për ta çuar përpara reformën në drjetësi. Dua tu kujtoj me modesti se nëse nuk e kalojmë një reformë të vërtetë, Shqipëria rrezikon hapjen e negociatave, dhe për shkak të asaj që ndodh sot në BE hapja e negociatave mund të kthehet si mundësi pas 4 apo 5 vitesh. Kush ëhstë i interesuar ta bëjë këtë? A ka individë, forca politike? Këto janë pyetje që shqetësojnë qytetarët. Reforma është një e mirë publike që duhet të kthehet në duart e qytetarëve. Sa i përket pjesës ekonomike, nuk mund të ketë lulëzim nëse nuk ka drejtësi”, tha Ahmetaj.
Më tej ai renditi një sërë treguesish konkret të ekonomisë, që sipas Ahmetajt tregojnë se qeverisja është në rrugën e duhur.
“Unë do të kundërshtoja me fakte dhe shifra deputetin Blushi për situatën. Me një fjali.
Situata sot sigurisht që nuk është ajo që do deshim të ishte. Çfarë po ndodh me ekonominë. I nderuar zoti Blushi, mos harroni që në 23 qershor kur shqiptarët votuan me 1 milion vota mazhroancën ekonomia ishte në pikiatë. Nuk du pushoj së ju “bezdisuri’ me këto fakte. Ka qenë gati zero rritja. Sot është 2.6 %. Është 0.5 më shumë se mesatarja e rajonit. Varfëria nuk luftohet duke emocionuar të varfrit, se tendenca për të emocionuar të varfrit është shembull shumë i keq në Greqi.
Do ju sjell një shifër nga raporti i BSH për disa vende por po fokusohem te Shqipëria. Në disa vende varfëria ka rënë me 2 % në dy vite. Shifër modeste, por tendenca ëhstë shumë serioze. Ka një debat këtu për konsumin. E kam thënë është rritur e ardhura e disponueshme, paraja që i mbetet shqiptarëve në fund të muajit. Është rritur punësimi thotë raporti i Bankës Botërore. Është ulur papunësia modestisht, por ama është ulur. Tregtia me pakicë ëhstë rritur me 6 %, nëse marrim dhe hidrokarburet me 13 %”, tha më tej Ahmetaj.
