Ministri i Financave Arben Ahmetaj ka dalë një konferencë për mediat pas miratimit në mbeldhjen e qeverisë të projektligjit për Buxhetin për vitin 2017. Ahmetaj tha se me këtë buxhet që pritet t’i kalojë për shqyrtim Kuvendit nga e hëna, financohen reformat dhe rriten pagat.
“Buxheti i vitit 2017 është buxheti i financimit të reformave dhe rritjes së pagave dhe pensioneve. Ky është buxheti i uljes së borxhit publik. U arrit të garantohej një rritje pagash prej 10%, u arrit një rritje, indeksim pensionesh prej 3%, dhe këto efekte fillojnë nga data 1 Mars e vitit 2017. Që do të thotë pensioni, dhe pafga e Marsit do të merren të rritura. Në efekt 12 mujor do të kushtojë pak më shumë se 100 mln dollarë. Kjo është rritja më e madhe”. deklaroi Ahmetaj.
Ndërkohë, Sipas Ahmetajt në vitin 2017 parashikohet të konfirmohet trajektorja ulëse për borxhin publik . Sipas tij, parashikimet janë që borxhi publik të bjerë në nivelin e 69.1 % vitin e ardhshëm.
“Borxhi publik synohet që nga 71.8 që është dakordësuar në akt normativ për 2016 të jetë në 69.1 % më 2017. Mos harroni që në vitin 2013, borxhi ishte mbi 69%, dhe duke përllogaritur risqet e parashikuara borxhi publik së bashku me risqet e konfirmuara nga FMN, shkonte në 83%. Trajektorja ulëse për borxhin publik ka filluar në 2016 dhe vijon”, vijoi Ahmetaj.
/a.m.
