Sergio Aguero është i bindur se Real Madrid pa ndonjë problem do të eliminojë PSG-në nga Liga e Kampionëve. Sulmuesi i Manchester Cityt, Sergio Aguero nuk ka asnjë dyshim se kush do të shkojë në çerekfinale të Ligës së Kampionëve, në mes të Real Madrid dhe PSG.
Ai tha se spanjollët do të kalojnë turin, për shkak të fitores 3:1 në ndeshjen e parë dhe shanseve që krijojnë për të shënuar.
“Mendoj se Reali do të kalojë tutje, sepse ata kanë dy gola avantazh dhe sepse gjithnjë krijojnë raste për të shënuar dhe nëse shënojnë, atëherë ndeshja mbyllet”, tha Aguero për COPE.
“Real Madrid ka përvojë në Ligën e Kampionëve dhe do të eliminojnë PSG-në lehtësisht”, u shpreh ai në fund. Ndeshja ndërmjet PSG-së dhe Realit zhvillohet më 6 mars në Paris, përgatiti ”Express”. (b.an)
