Filmi “Agnus Dei” me regji të Agim Sopit, bashkëprodhim i AS Film Production dhe Qendrës Kinematografike të Kosovës, ka fituar çmimin si Filmi më i mirë i huaj (Best Foreign Feature Film) në Chautauqua International Film Festival, i cili ka përfunduar të dielën me një ceremoni solemne në Jamestoën të SHBA-ve.
Gjatë muajit gusht, filmi “Agnus Dei” është shfaqur edhe në Brazil International Film Festival – Rio de Janeiro ku ka qenë i nominuar për filmin më të mirë të festivalit, e po ashtu në Sëedish International Film Festival në Stockholm, kurse gjatë gjysmës së dytë të muajit do të shfaqet në programet zyrtare edhe të New York International Film Festival, i cili mbahet në The Bow Tie Chelsea Cinemas, në zemër të Manhattan-it, e po ashtu do të shfaqet edhe në Velvet Rope International Film Festival, i cili mbahet në Sutter Creek të Californisë.
Gjatë muajit gusht dhe shtator, Agnus Dei do të shfaqet të paktën edhe në pesë festivale ndërkombëtare, në Kinë, SHBA, Spanjë, etj.
Filmi kosovar Agnus Dei, deri më tani ka radhitur pas vete 71 çmime ndërkombëtare, të fituara në të katër anët e globit, duke qenë pjesë zyrtare e rreth 160 festivaleve, përgatiti Express. (b.an)
