Mario Xhufredi, agjenti i Elseid Hysajt, ka folur për mikrofonët e “Radio Kiss Kiss” për të ardhmen e lojtarit që asiston dhe që duket se do të lërë Napolin këtë verë.
“Siç e kam cekur gjithnjë në intervistat e mëparshme, Hysaj ka bërë një rikuperim të rëndësishëm me Gatuzon, është kthyer në nivelet e tij duke treguar se është i njëjti lojtar që u pa me Sarrin.
Gatuzo e vlerëson shumë, por ai dhe Di Lorenco janë në të njëjtin nivel dhe nuk mund të mbash në ekip dy lojtarë të të njëjtit nivel. Roma? Nuk e di, nuk është momenti të flasim për skuadra. Nuk arrijmë të mendojmë dot tani se cila do të jetë e ardhmja”.
