Karim Benzema është kthyer nga lëndimi në ndeshjen ndaj Deportivo La Corunas, ku gjatë inkuadrimit në lojë ai u vërshëllye nga tifozët. Karim Djaziri, agjent i Karim Benzemas thotë se klienti i tij nuk i meriton kritikat dhe vërshëllimat në ndeshjen ndaj Deportivos ishin mungesë respekti. Ai tha se Benzema gjithnjë gjatë këtyre nëntë viteve ka menduar vetëm për Real Madridin, duke lënë anash vetën.
“Këto janë momente të vështira, por që kur ishte i ri, ai ka treguar se është shumë i fortë mentalisht dhe po ashtu edhe gjatë kësaj kohe në Real”, tha fillimisht Djaziri për Marca.
“Ai ka qenë ën klubin e ëndrrave të tij për nëntë vite dhe është e padrejtë të vërshëllehet në momentin kur Real Madrid ishte duke fituar dhe në një ndeshje kur po kthehej pas një kohë të gjatë nga lëndimi”, vazhdoi ai.
“Karim gjithnjë ka treguar përkushtimin e tij për klubin, duke vënë skuadrën para vetës. Ai nuk e meriton këtë”, tha në fund Djaziri, përgatiti ”Express”. (b.an)
