Ish-kryetari i Komisionit Qeveritar për verifikimin e atyre që kontribuan në luftë Agim Çeku i ka bërë thirrje Prokurorisë që të hetojë gjithë procesit pas dyshimeve të ngritura për manipulime të mundshme.
Çeku ka mbrojtur numrin prej 46 mijë veteranësh duke thënë se aq ushtarë kanë mundur të jenë gjatë gjithë periudhës së luftës çlirimtare, referon Zëri.
“Unë si ish-kryetar i Komisionit i bëj thirrje Prokurorisë të hetojë…unë personalisht do të bashkëpunoj shumë me Prokurorinë por jam i sigurt se secili i kyçur në këtë proces është i gatshëm të jap llogari dhe të parashtroj dokumentet në bazë të së cilave ne kemi punu’, tha Çeku për RTK3. (b.an)
