Numri i automjeteve që aktualisht janë të regjistruara me targa “KS” të kohës së UNMIK-ut arrin në afro 15 mijë.Qarkullimi i tyre vazhdon edhe tash, ndonëse janë mbushur gjashtë vjet prejse Kosova ka futur në përdorim targat e reja zyrtare me mbishkrimin “RKS”.
Lëshimin e dy palë targave njëkohësisht qeveritarët e arsyetojnë me Marrëveshjen e Brukselit të vitit 2011, e cila e ka lejuar një gjë të tillë pas kërkesës dhe insistimit të palës serbe në bisedimet Kosovë-Serbi.Komuniteti serb ka refuzuar të pranojë targat RKS, duke mos e njohur shtetësinë e Kosovës.
Shifra prej afro 15.000 automjete me targa “KS”, sipas analistëve, është rritur ndërkohë dhe po vazhdon të rritet, edhe për shkak se automjetet me targa të Kosovës detyrohen të paguajnë kur kalojnë kufirin e Serbisë sigurimin TPL (Sigurimi i autopërgjegjësisë ndaj palëve të treta) prej 40 eurosh, blerjen e targave me simbole serbe për qëndrim ditor, si dhe një taksë komunale. Në anën tjetër, automjetet me targa të Serbisë paguajnë zero euro për të hyrë në Kosovë
