Në media u përfol shumë për ndarjen e modeles dhe këngëtares së njohur Afërdita Dreshaj nga i dashuri i saj, një sportist hokei çek.
Madje flitej se ajo flirtonte me reperin e “Babastars”, Agon Amiga.
Por ka ardhur edhe reagimi i bukuroshes kosovare, e cila ka mohuar ndarjen nga partneri i saj Jakub Kindl nëpërmjet një fotoje të postuar në rrjetet sociale.
Dreshaj duket vërtet joshëse teksa pozon në shtëpinë e tyre të mbushur me dhurata. Afërdita ka festuar Krishtlindjen me të dashurin e saj dhe, siç duket, marrëdhënia e tyre vazhdon të jetë e fortë dhe dashuria e palëkundur.
Disa kohë më parë, në media qarkulluan disa mesazhe të shkëmbyera midis Agon Amigës dhe Afërditës, që të bënin të mendoje se ata sihin më shumë se miq. Madje, bashkëshortja braktisi reperin. Ndërkohë Dreshaj nuk bëri asnjë koment, dhe nuk postoi më foto me të dashurin çek. Por, tashmë duket se problemet mes tyre kanë kaluar pas publikimit të kësaj fotoje.
