Prokuroria e Fierit ka referuar në SPAK mega aferën e “Bankers Petroleum”, duke shpallur moskompetencë dhe tashmë pritet që SPAK të vendosë për fatin e mëtejshëm të kësaj dosje.
Gjatë emisionit Të Paekspozuarit në MCN TV, ish deputeti Myslim Murrizi, deklaroi se ka 43 politikanë dhe zyrtarë të përfshirë, por shtoi se më e rëndësishme se çdo dënim me burg, është rikthimi i parave.
Ndërsa gazetari Andi Tela, deklaroi se dy zyrtarë që mund të hetohen, janë Genc Ruli dhe Arben Ahmetaj.
Andi Tela: Dy kontratat më tej, i kanë zgjatur Genc Ruli dhe Arben Ahmetaj. Genc Ruli ka ndryshuar kontratën dhe Ahmetaj e ka shtyrë. Pra ose Genc Ruli ose Ahmetaj do të hetohen. Nëse Prokuroria e ka çuar për emra ministrash, këta të dy janë.
Myslim Murrizi: Nuk janë vetëm këta të dy. Prokuroria e Fierit ka bërë gjë të mirë, e hetoi dhe e ka çuar të gatshëm, ka gjetur edhe lidhjet, që thotë nëntë kompani të mëdha kanë marrë lek dhe kanë ndërtuar gjysmën e Tiranës, janë të përfshira. Ka ish ministra, që kanë futur duart, disa kanë marrë lekë si mendje të ndritura këshilluese, disa si konsulentë e me rradhë. Janë 43 emra politikanësh dhe zyrtarësh të lartë. Ish drejtorë tatimesh, AKBN… Këta janë subjekte të SPAK, jo këta hajdutët e vegjël. Në Tiranë ke kulla nga 30 kate, të gjithë kanë marrë miliona euro të Bankersi dhe kokërr leku tatim fitim.
Ke patur ministra financash, qeveria Nano, Berisha dhe Rama aty brenda. Ke 3 studio ligjore që kanë marrë 13.4 mln euro, një ish deputet i PS, Alket Hyseni, Edi Halimi i PD edhe pse kishin këta avokatët e vetë.
SPAK dyshoj që do ta zvarrisë, se kanë edhe zgjedhje.
