Revitalizimi i urës së Ibrit në Mitrovicë që ishte paraparë të përfundojë pikërisht në ditën e sotme më 15 qershor, tanimë ka dështuar.
Përveç rrethojave që u vendosën vitin e kaluar, asgjë më nuk u prek në këtë urë, ndërsa premtimet e kryetarit të Mitrovicës, Agim Bahtiri, i cili ishte shumë i zëshëm atë kohë, mbetën vetëm deklarata boshe.
Qytetarët thonë se tani pas gjithë atyre premtimeve, vërtetë nuk dinë se kur do të hapet kjo urë, por siç u shprehën ata, kjo nuk do të ndodhë për një kohë të gjatë, referon Express. (b.an)
