Malpensa, aeroporti më i madh i Milanos dhe i dyti më i ngarkuar në Itali, do të marrë emrin e ish-kryeministrit të ndjerë, Silvio Berlusconi.
Matteo Salvini, zëvendëskryeministri i Italisë, njoftoi ndryshimin në mediat sociale, duke shkruar: “Lajm i mirë: Aeroporti Malpensa i Milanos do të marrë emrin e Silvio Berlusconit”.
Sipas Salvinit, zyrtarë nga rajoni i Lombardisë, ku ndodhet aeroporti, bënë një kërkesë për ta riemërtuar atë një vit më parë. Së fundmi, bordi i drejtorëve të Autoritetit Kombëtar të Aviacionit Civil të vendit e miratoi. Megjithatë, është e paqartë ende se kur saktësisht Malpensa, që ofron fluturime në 180 destinacione në 77 vende, do të riemërtohet zyrtarisht.
Berlusconi, një miliarder që dikur e përshkroi veten si “Jezu Krishti i politikës”, vdiq në qershor të vitit të kaluar në moshën 86-vjeçare. Ai u zgjodh tri herë kryeministër dhe shërbeu për gjithsej nëntë vjet, më shumë se kushdo tjetër. Por vendimi për të riemërtuar aeroportin për nder të tij, ka hasur në zemërimin e disa italianëve. Në vend të këtij opsioni, disa qytetarë sugjerojnë riemërtimin e aeroportit me emrin Luca Attanasio, ambasadori i Italisë në Republikën Demokratike të Kongos, i cili u vra në vitin 2021.
/a.r
