Një vajzë 16 vjeçare përdhunohet masivisht nga një bandë prej 30 meshkuj, në një hotel të Izraelit.
Ngjarja ka ngjallur reagime të shumta në publik.
Kryeministri izrealit Benjamin Netanyahu e quajti sulmin një ‘krim kundër njerëzimit’.
Dy burra janë arrestuar deri tani, pas denoncimit të vajzës.
Disa nga burrat dyshohet se kanë filmuar përdhunimin e saj, me celular.
Kryeministri Netanyahu dhe ministri i mbrojtjes Benny Gantz dënuan ngjarjen dhe kërkuan arrestimin dhe ndëshkim maksimal për përdhunuesit.
Ngjarja e rëndë raportohet të ketë ndodhur javën e kaluar në vendpushimin bregdetar të Eilat.
Vajza para se të përdhunohej masivisht, ishte dehur në një dhomë hoteli, para se të shkonte në polici të Premten e kaluar.
Policia thotë se vajza nuk ishte e ftuar prej tyre, por kishte shkuar në banjë pasi kishte pirë në hotel me disa nga miqtë e saj.
Ajo më pas është marrë me forcë dhe u dërgua në njërën nga dhomat e hotelit, ku më pas edhe u dhunua nga grupi i burrave, të cilët jo të gjithë e njihnin njëri-tjetrin.
Një tjetër nga sulmuesit e dyshuar tha se kishte hyrë në dhomën e vajzës nën pretekstin e të qenit mjek, gjoja për ta ndihmuar.
Sulmuesi i dyshuar tha se ‘përfitoi nga ajo dhe fjeti më herët me të kur ishte jashtë vetëdijes”.
Mediat lokale thanë se i dyshuari ishte një 27-vjeçar nga Izraeli verior, ndërsa një i dyshuar i dytë, gjithashtu 27 vjeç, u arrestua këtë mëngjes.
