Një 17-vjeçar është dhunuar me sende të forta nga babai i tij në Berat.
Policia bën me dije se në pranga është arrestuar 58-vjeçari Medi M., banues në Moravë, i cili pas një konflikti për motive të dobëta ka ushtruar dhunë fizike ndaj të birit.
Mësohet se 17 vjeçari F.M., fillimisht ka nisur të debatojë me fjalë me babain e tij, ku më pas ky i fundit e ka goditur me sende të forta në këmbë duke i shkaktuar lëndime.
Menjëherë 17-vjeçari është dërguar në spital për ndihmë mjekësore, ku fatmirësisht pas mjekimit është larguar sërish drejt banesës dhe nuk ka asnjë rrezik. Lidhur me rastin, materialet proceduriale i kaluan Prokurorisë së Rrethit Gjyqësor Berat për veprën penale “Dhunë në familje”./a.m.
