Të paraburgosurve kosovar që gjenden në burgjet e Maqedonisë, të arrestuar në rastin e Kumanovës nuk u lejohet që të kontrollohen nga mjeku, ka thënë avokatja Artene Ademi, njofton korrespondenti i Koha Ditore nga Shkupi. Ajo thotë se të paraburgosurve kosovarë ju bëhet shkelje flagrante nga a ana e Prokurorisë. “Si e drejtë elementare është ballafaqimi me provat që i posedon Prokuroria, për të cilat i akuzuari ngarkohet. Gjithashtu, shpjegimi i versionit të pandehurit lidhur me veprën ngarkuese. Tjetër shkelje është edhe e drejta elementare për një kontroll mjekësor. Klientët e mi nuk janë mbrojtur në heshtje, por kanë shprehur nevojën për një kontroll mjekësor. Edhe pse formalisht është e evidentuar në proces verbalin e prokurorisë, ajo e drejtë nuk iu mundësua”, ka deklaroi avokatja Artene Ademi për televizionin Alsat.
Në incidentin e armatosur në Lagjen e Trimave të Kumanovës më 9-10 maj u vranë 10 kosovar pjesë e grupit dhe 8 policë, ndërsa 27 policë u plagosën. 30 persona janë arrestuar dhe mbahen ne paraburgim në burgjet e Maqedonisë.
