Në një nga turnetë e saj Adele ia ka ndaluar një fanses së saj incizimin e shout të saj teksa ajo ishte duke performuar.
Adele në momentin që ishte duke biseduar me publikun, i kërkon fanses që ta ndalojë incimizin, ajo kishte vendosur një kamerë në tripod për të incizuar spektaklin, raporton NME.
“Dua t’i them asaj zonjës, a mund të ndalni incizimin që jeni duke ma bërë me videokamerë, sepse jam këtu për së vërteti”, tha Adele përderisa i drejtohet një gruas në publik. “Mund ta shijoni këtë moment live, më mirë se përmes kamerës”.
Ajo më tutje i tha se do të ishte mirë që fansja të kënaqej që ishte prezent, pasi ka shumë të tjerë që nuk e kanë këtë shans.
“Uleni tripodin, kjo nuk është DVD, ky është koncert i vërtetë. Vërtetë do të doja që ta shijonit koncertin tim sepse ka plot të tjerë jashtë që nuk mund të vinin këtu”, përfundon Adele, citon Koha. (b.an)
