Kengetarja Adele ka ftuar në skenë “sozinë” e saj e cila ishte një nga fanset më të mëdha të artistes. Këngëtarja 27-vjeçare, ka ftuar Emily Bamforth, e cila ndodhej në publik për të bërë një “selfie”. Bamforth është bërë qendra e vëmendjes pasi fansat kanë vënë re ngjashmërinë e madhe që ajo kishte me yllin e muzikës.
Me shpresen që do të tërhiqte vëmendjen e Adele, i fejuar i Emily, i ka shkruar këngëtares në “Twitter”: “Adele të gjithë mendojnë se e dashura ime ngjan me ty. Ndodhet në rreshtin e katërt”.
Mesazhi i tij ka funksionuar më së miri pasi Adele ka ftuar vajzën në skenë me të cilën ka pozuar për një “selfie”, ku vihet re ngjashmëria e madhe mes dyshes.
