Presidenti Ilir Meta u pyet në studion e “Opinion” për dorëheqjen nga posti i kreut të shtetit, duke theksuar se nuk mund të linte këtë post që në vend të tij të vinte dikush që firmoste për punë të mbrapshta.
Meta tha se Gjykata Kushtetuese është vija e kuqe, ndërsa SPAK-u është në provë.
Meta: Ju besoj e njihni kryetarin e KLP-së, Gent Ibrahimi. Kërkoi takim se do bënim betim. I kam thënë se hajdeni dhe bëni çfarë të doni. Vija e kuqe është Gjykata Kushtetuese dhe Kushtetutën e mbron Presidenti dhe populli vetëm me Gjykatë Kushtetuese me integritet. SPAK është në provën e tij.Si mund te jap unë dorëheqjen qe te vendosin një kukull për të firmosur ca vendime te mbrapshta antikombëtarë? Te ik unë që të vijë Batoni President? Ta harrojnë. Kam 3 vite qe i paralajmëroj: Gjykata Kushtetuese është vija e kuqe. Këta popullin nuk e futin dot ne xhep siç kanë bërë me institucionet e tjera. Durim deri në 2 mars.
