Gjykata ka vendosur masën e sigurisë “burg pa afat” për 57-vjeçarin Ajet Dume, i cili abuzoi seksualisht për dy vite me 10-vjeçaren nga Kuçova.
Ngjarja e rëndë ka ndodhur në lagjen “1 Maji” në Kuçovë, në banesën e Dumes, ku jetonte edhe familja e vajzës prej 3 vitesh.
Të shpërngulur nga një fshat i Skraparit, familja e 10-vjeçares ishte vendosur në dy dhoma në pronësi të 57-vjeçarit, të cilat ndodheshin në të njëjtën banesë.
E mitura, e identifikuar me inicialet A.D., ka denoncuar burrin dhe është dërguar nga prindërit tek një psikologe, ku ka shpjeguar gjithë historinë e abuzimit 2-vjeçar.
Pas denoncimit të bërë, si dhe vizitës mjeko-ligjore, është vërtetuar se mbi 10-vjeçaren është abuzuar në mënyrë sistematike.
Pasi ka kryer të gjitha veprimet e para proceduriale, Policia e Beratit vuri në pranga 57-vjeçarin Ajet Dume, nën akuzën e “Marrëdhënieve seksuale me të mitura”.
/a.r
