Pas arrestimit të punonjësit të policisë Jetmir Uta në Dibër dy ditë më parë ky I fundit vijon të mohojë akuzat para grupit hetimor duke u shprehur se nuk ka abuzuar me të renë.
Për Jetmir Utën nga Prokuroria ende nuk ka vendosur se kur do të mbajë masën ndaj tij. Oficeri I policisë dyshohet se ka kryer marrëdhënie seksuale me dhunë me një 19-vjeçare, ngjarje për të cilën e reja e denoncoi në polici.
Sipas të dhënave nga Prokuroria e Dibrës 19-vjeçarja është shprehur se oficeri 24-vjeçar i ka shkruar në ëhatsapp duke e kërcënuar se ka video dhe foto të saj dhe nësë nuk e takonte do ti publikonte. Sipas dëshmisë së 19-vjeçares kjo ka qënë arsyeja që hipi në makinën e oficerit.
Vajza e cila u paraqit në polici bashkë me të ëmën tregoi për abuzimin, 19-vjeçarja pritet të merret sërish në pyetje për shkak të gjëndjes së rënduar psikologjike. Para grupit hetimor e reja ka treguar dhe bisedat me 24-vjeçarin.
Oficeri Uta në kohën që ka kryer veprën penale ishte agjent në seksionin për mbështetje operacionale të hetimit në Drejtorinë Vendore Dibër, pas denoncimit ai ishte larguar drejt Kosovës dhe u ndalua në momentin e hyrjes në vendin tonë.
