Pas skandalit për çështjen e rrugës Tiranë-Elbasan, ka nisur hetimi pasuror për Dashamir Xhikën, Aksel Qurdukën dhe Albens Aliten.
Prokuroria do të marrë në pyetje zyrtarë të policisë dhe zyrtarë të krimit ekonomik.
Hetimet e segmentit rrugor Tiranë-Elbasan po marrin përmasa edhe më të mëdha, pas arrestimit të ish-zyrtarëve të ARRSH dhe dëshmive të ish-ministrave si Edmond Haxhinasto dhe Sokol Dervishaj, Prokuroria e Krimeve të Rënda pritet të marrë dëshminë edhe të ministrit të Infrastrukturës dhe Energjitikës, Damian Gjiknuri.
Gjiknuri ishte ministri i 3-të i Transporteve që do u pyet nga organi i akuzës. Ndërsa një ditë më parë, në organin e akuzës ka dëshmuar Afrim Qendro, i komanduar si Drejtor i Autoritetit të Rrugëve.
Dëmi i përllogaritur nga Prokuroria për abuzimet me tenderët dhe amendimet e kontratave me kontraktorët shkon në 37 milionë dollarë.
a.ç
