Në Gjykatën Apelit në Durrës po zhvillohet seanca për rivlerësimin e masës së sigurisë për ish-Drejtorët e Përgjithshëm të Rrugëve, Dashamir Xhika dhe Andi Toma, të arrestuar me urdhër të prokurorisë për abuzime në ndërtimin e rrugës së Gjinarit dhe asaj Tiranë-Elbasan.
Gjykata e Elbasanit ka lënë në ‘arrest me burg’ dy ish- zyrtarët e lartë, vendim që është apeluar nga mbrojtja në Gjykatën e Apelit në Durrës.
Bashkë me dy ish-zyrtarët e lartë në pranga kanë rënë edhe Rexhep Tarba (mbikqyrës i punimeve në rrugën e Gjinarit), Agron Hysa, Kujtim Hysa dhe Rezarta Bokçiu për të cilën është vendosur nga gjykata masa e arrestit të shtëpisë.
Gjashtë persona të tjerë janë shpallur në kërkim nga prokuroria.
Në këtë çështje akuzohen gjithsej 11 persona për të cilët prokuroria ka kërkuar caktimin e masave të sigurisë në gjykatë.
