Aleanca për Ardhmërinë e Kosovës (AAK), përmes një deklarate ka shfaqur shqetësimin e vet të jashtëzakonshëm, mbi nivelin e papërgjegjësisë institucionale të Kosovës në luftimin e drogave në vend. Qeveria e Kosovës, thotë deklarata, po dështon si mos më keq në parandalimin dhe largimin e kësaj të keqe nga qytetarët e Kosovës, edhe për shkak të korrupsionit të lartë, transmeton Koha.net.
Raporti i Departamentit Amerikan të Shtetit ka dhënë alarmin për nivelin e kalimin e drogës nëpër Kosovë, madje edhe pranimin e zyrtarëve kosovarë. Institucionet e Kosovës kanë konfiskuar më pak drogë gjatë vitit 2015 sesa gjatë vitit 2014, kur realisht nuk kishte as Qeveri të zgjedhur.
Sipas raportit amerikan, autoritetet gjatë vitit 2015 kanë konfiskuar 146 kg marihuanë dhe 37 gramë kokainë, ndërsa në vitin 2014 kanë konfiskuar 627 kg marihuanë dhe 21 kg kokainë. Kjo edhe njëherë dëshmon se Kosova nuk ka fare Qeveri.
