Aleanca për Ardhmërinë e Kosovës ka reaguar pas deklaratave të ministrit të Jashtëm të Rusisë, Sergey Lavrov, i cili tha se për Haradinajn ka pasur fakte që është fajtor për krime lufte, por nuk është dënuar nga Haga. AAK thotë se ato deklarata janë të pavërteta dhe se Haradinaj, apo kushdo nga Haradinajt i është përgjigjur drejtësisë, transmeton Koha.net.
“Ramush Haradinaj nga posti i Kryeministrit të Kosovës, e ka përmbushur obligimin e tij ndaj drejtësisë ndërkombëtare, dhe është shpallur i pafajshëm, nga të gjitha akuzat e ngritura nga Tribunali i Hagës, në dy procese. Për më tepër ai nuk i është shmangur drejtësisë ndërkombëtare, siç ka ndodhur me shumë të akuzuar serbë, të cilët sot i merr në mbrojtje Ministri Lavrov!”, shkruan AAK.
Sipas partisë opozitare që udhëhiqet nga Ramush Hardinaj, i shpallur i pafajshëm nga Tribunali i Hagës, vetëm njohja e pavarësisë së Kosovës nga ana e Rusisë, ndihmon pajtimin e popujve dhe stabilitetin rajonal, e jo deklaratat armiqësore!
