Kryesia e Degës së AAK-së në Pejë në takimin e zhvilluar ka debatuar ndër të tjerash për çështjen e ndalimit të Kryetarit Haradinaj në Francë dhe për çështjen e Demarkacionit për të cilën po paralajmërohet dërgimi në kuvend për aprovim, njofton deklarata partiake.
Kryesia e Degës ka konkluduar se zgjatja e pakuptueshme e ndalimit të Kryetarit Ramush Haradinaj në Francë me akuza të fabrikuara nga Serbia ka arritur pikën e mosdurimit. Faktet se kryetari Haradinaj dy herë ka dalë i pafajshëm për të njëjtat akuza të shpifura nga Serbia nuk po merren parasysh nga Franca e cila me zgjatjen e procedurave po sjell humbje mirëkuptimi e durimit.
AAK dega në Pejë vlerëson se mbajtja e Haradinaj në Francë është veprim politik që ndërlidhet me paralajmërimet për dërgim në Kuvend të Marrëveshjes për ratifikim të Demarkacionit me Malin e Zi e cila Komunës i heq 8,200 hektarë tokë të cilat me shekuj janë prona apo janë shfytëzuar nga qytetarët e Rugovës, Podgurit dhe disa fshatrave të Deçanit. (b.an)
