Deputeti i Partisë Socialiste, Bledi Çuçi, njëherësh dhe anëtar i Këshillit të Mandateve ku disktohet çështja “Tahiri”, i ftuar në studion e lajmeve në News24, tha se për Saimir Tahirin nuk pati asnjë provë të shfaqur nga Prokuroria që ta shpallte atë fajtor.
I pyetur në studio nëse kryeministri Edi Rama do të jetë mërzitur pasi Tahiri “i vodhi” shprehjen “S’keni parë gjë akoma”, Bledi Çuçi tha se nëse Tahiri tregon se nuk ka aspak lidhje me krimin atëherë askush s’ka pse të mërzitet për asgjë, shkruan BalkanWeb
“Ne jemi për drejtësinë, Tahiri ta provojë që nuk është i përfshirë dhe të gjithë janë në rregull,” tha Çuçi.
Ish-ministri i Brendshëm, Tahiri teksa hipte në makinën e tij për të shkuar në kryesinë e Kuvendit ditën e djeshme tha pikërisht këtë shprehje përpara gazetarëve./BW
