Kryetari i Partisë së Lirisë, Ilir Meta ka hedhur poshtë aludimet se mund të sanksionohet nga SHBA nëse bën koalicion me ish-kryeministrin Sali Berisha i cili është shpallur “non grata”.
Në një konferencë për mediat, Meta u shpreh se diçka e tillë nuk është e vërtetë dhe shtoi se marrëdhëniet e tij me SHBA mbeten të hapura dhe parimore.
“Kjo është zero e vërtetë, për arsye sepse marrëdhëniet e mia me SHBA kanë qenë dhe janë gjithmonë shumë të hapura dhe parimore.
Unë nuk asnjë qëllim dhe nuk kam pasur kurrë që të ndikoj në vendimet e tyre. Gjithmonë kam marrë vendimet e mia bazuar në parimet më demokratike që ka kushtetuta jonë.
Asnjë lloj presioni, përkundrazi, kemi pasur një bisdedë tepër konstruktive dhe SHBA-të janë të interesuara për një opozitë sa më të fuqishme sepse duan që në vend të funksionojë sistemi i llogaridhënies”, theksoi ai.
/e.d
