Suedezëve nuk u pëlqen të bien në sy. Ata madje kanë dhe shprehjen e tyre për këtë: ‘Jantelagen’, përgjigja skandinave për: ‘Mos mendo se je më i mirë se të tjerët’.
Dhe kështu është mjaft e kuptueshme që përgjigja e ashpër e qeverisë së saj ndaj krizës koronavirus po i bën shumë njerëz në vend të ndjehen të shqetësuar.
Ndryshe nga pjesa tjetër e Europës, Suedia i ka ende të hapura shumicën e shkollave, bareve dhe restoranteve të saj.
Qeveria u ka kërkuar njerëzve që të punojnë nga shtëpia nëse është e mundur, dhe ata mbi 70 vjeç janë udhëzuar të qëndrojnë brenda, ndërsa vizitat në shtëpitë e të moshuarve janë ndaluar.
Por nuk ka asnjë direktivë zyrtare për izolim të plotë, edhe pse në këtë vend ka pasur më shumë se 4,000 raste të infeksionit dhe 180 vdekje.
E vetmja masë e marrë nga koalicioni I drejtuar prej social-demokratëve është mbyllja e universiteteve e kolegjeve, ndërsa në bare e restorante njerëzit shërbehen vetëm në tavolina dhe jo në banak. Po kështu janë ndaluar dhe grumbullimet publike.
Fëmijët nën 16 vjec vazhdojnë të shkojnë në shkollë. Në letër, gjendja duket mirë: Suedia e raportoi rastin e parë në 11 mars, e në atë kohë, në Itali kishte 800 vdekje. Dhe jetët e humbura nga koronavirusi atje duken shumë më pak se Anglia apo Italia.
Por kjo vetem për momentin, thonë mediat britanike, sepse ndoshta e pashmangshmja thjesht po vonohet. Dhe me këtë reagim, autoritet suedeze vetëm po e shtyjnë, por nuk po e parandalojnë një shpërthim fatal të epidemisë.
Në të vërtetë, shkalla aktuale e infeksionit të Suedisë është tashmë relativisht e lartë. Nëse shikoni numrin e rasteve të raportuara për 100,000 të popullsisë Suedeze (39.6), është më e madhe se ajo e Mbretërisë së Bashkuar (33.8). Dhe kështu, strategjia e qeverisë Suedeze nuk qëndron mirë me shumë qytetarë.
Mbi të gjitha, fqinjët e saj Danimarka, Finlanda dhe Norvegjia – të gjitha kanë më pak viktima – vendosën masa të rrepta bllokimi, të tilla si mbyllja e vendeve të punës dhe shkollave, javë më parë.
Vetëm javën e kaluar, më shumë se 2,000 studiues të universitetit suedez botuan një letër të përbashkët në dyshim të përgjigjes së qeverisë.
Profesor Cecilia Soderberg-Naucler, një studiues i imunologjisë së viruseve, tha: ‘Ne nuk po testojmë sa duhet, nuk po gjurmojmë, nuk po izolojmë sa duhet – ne e kemi lënë virusin të lirshëm.
“Ata po na çojnë drejt katastrofës”. / Javanews/ Daily Mail
g.kosovari
