Forcat amerikane planifikojnë ngritjen e një baze ushtarake në verilindje të Sirisë ku do të qëndrojnë kryesisht dhjetëra këshilltarë në kuadër të luftës kundër grupit xhihadist Shteti Islamik (ISIS), njoftoi sot një burim ushtarak sirian.
Uashingtoni ka përgënjeshtuara nga ana e tij të ketë marrë në kontroll ndonjë baze ajrore në Siri, duke konfirmuar njëkohësisht se po kërkon në të gjitha mënyrat që të përmirësoi mbështetjen logjistike të forcave të angazhuara në vend.
“Që prej tre muajsh, amerikanët përgatisin instalimin e një baze ushtarake në Abou Hajar në jug të Rmeilane në provincën e Hassake (verilindje)”, sipas të njëjtit burim që thekson se Njësitë e Mbrojtjes së Popullit Krud (YPG) dhe dhjetëra ekspertë amerikanë marrin pjesë në përfundimin e këtij projekti.
Një informacion ky që konfirmohet edhe nga Vëzhguesi Sirian i të Drejtave të Njeriut (OSDH) që mbështetet në një rrjet të gjerë burimesh informacioni të shtrirë në të gjithë Sirinë.
