• Kontakt
  • Kreu
  • Rreth Nesh
Monday, November 9, 2026
  • Login
Javanews
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
No Result
View All Result
Javanews
Home Kryesoret

A mund t’i priten pemët Lulit të Pukës nëse ‘a tu rrejtë’ katundin

by Frrok Çupi
10/08/2026 09:50
Shperndaj ne FacebookShperndaj ne Twitter

Nga Frrok Çupi

Në versionin normativ të gjuhës, nuk do të kisha shkruar ‘a tu rrejtë’, por në versionin se Luli ‘po gënjen katundin’. Gjithë ‘odiseja’ e këtij tregimi lëviz në hapësira të mëdha, nga Mesjeta deri në 8 korrik 2026. Ashtu si edhe gjuha jonë ka lëvizur dhe lëviz nëpër shtigje normash, dialektesh, nën dialekte, e folme fshatçe, etj.

Çfarë ndodhi në 8 korrik 2026 me këtë njeriun shumë të parëndësishëm. E vetmja herë kur ka qenë i rëndësishëm ishte periudha kur, siç thotë, ka qenë kandidat për deputet i PS dhe ‘drejtor i përgjithshëm’. S’i dihet çfarë drejtor i përgjithshëm. A i Pyjeve të Pukës? A drejtor i përgjithshëm i Hidrocentraleve? A drejtor i Përgjithshëm i Doganave? Apo Drejtor i Përgjithshëm për politikat strategjike të shtetit?

Kush e di, por si ‘drejtor i përgjithshëm’ ka pasur rangun e zëvendësministrit ose edhe të vetë ministrit. Edhe kandidat për deputet i maxhorancës parlamentare… Hajde torovol, hajde!, thonë në Fushë Arrës.

Këtu, në këtë pjesë të CV-s së zotnisë që tha se kishte mbiemrin “Luli”  dhe se ishte nga Fushë Arrësi, ngërthehen dy anët: si ekstremi i kaluar i kohës ashtu edhe dita ekstreme 8 gusht 2026.

Ditën e fundit zoti Luli doli në një tribunë të improvizuar në Fushë Arrës dhe iu sul qeverisë, Parlamentit dhe politikave reformatore të shtetit.

Pjesa e hershme kanunore, çfarë foli:

-Dëgjoni këtu, më dëgjoni o populli im. Një herë iu kam rrejt kur iu kërkova votën për Edi Ramën dhe PS. Kam ba gabim. Tash nuk do t’u rrej ma. Mos ia jepni votën Ramës, mos lejoni reformë territoriale. Po na shkrinë Fushë- Arrësin na jena të shkrimë. As edhe një certifikatë lindjeje nuk do ta merrni ma.

Kush ka rrejt deri tani a nuk rren prapë?!

Pjesa e re e kohës:

‘Ky i ka vënë syrin Bashkisë së Fushë Arrësit, do që të kapë kryetarin”, më thanë miqtë e mi në Fushë Arrës.

Pjesa e vjetër e ngjarjes:

Sipas kanunit dhe kodeve të tjera, në anët e Pukës e Fushë Arrësit, ‘nëse bën tramt (pazar) me nderin që të ka ofruar një mik, i bie që po ia vjedh e ia shet nderin tjetërkujt dhe quhesh ‘brac i nderit”. Nderi i dorëzohet të zot’t që ta ka dhënë.  Nderi, pse ky Luli u bë kaq i njohur sa t’i vërë gishtin Bashkisë, vjen nga Edi Rama dhe PS. Ata e bënë drejtor, kandidat e ku ta dish çfarë. Ky po e vjedh nderin e dhënë dhe po e përdor kundër tyre. E ka shkelë Kanunin dhe  burrninë me katër këmbë.

Pjesa e re e ngjarjes:

-Këta duan rrogat, mer vëlla!”, më thanë prapë miqtë e mi në Fushë Arrës. “Ku dun me ditë këta për popull, populli as i njeh”.

Është duke u zhvilluar një ‘vaje me oiiii’ nga burrat e ish zyrave, pse Reforma i bashkon disa bashki, nga 61 në 46, siç edhe Fushë Arrësin. Këta po dhunojnë njerëz të popullit dhe po i mbledhin afër tribunave për të qarë së bashku kundër ligjit. Edhe vetë kryetari i Bashkisë Pukë doli e tha se ‘as unë nuk muj me i përballu gjithë këto punë e s’ muj u shërbej njerëzve”.

Këtij nuk ka pse ia jep votën populli pas kësaj deklarate.

Pjesa e vjetër kanunore e çështjes:

Kanuni e ka mbrojtur të drejtën atëherë. Se edhe atëherë kishte kësoj kopukësh. Çfarë thoshte Kanuni? Kanuni vendoste që ‘damtori’ i katundit dënohet randë. Nëse damtori zihet në faj kundër krejt katundit, i priten pemët, i rrafshohet shtëpia dhe dëbohet nga katundi për njëqind vjet.

Kjo ka ndodhur.

Po këtij Lulit a mund t’ i priten pemët?

Duhet të presim kohën derisa të bëhen zgjedhjet e reja. Do të shohim popullin dhe ta pyesim. Ta pyesim ‘a ju rrejti Luli kur u tha se do të jeni shumë keq pas reformës territoriale?’.

Me gjasa ata do të thonë ‘ ku paskemi qenë, u liruam nga ca mashtrues!’. Sepse shërbimi do t’ u bëhet më i mirë. Kjo është e sigurt, për këtë kryhet reforma. A shteti kujdeset për qytetarët, a Luli?!

Nëse ndodh kështu, a do të dënohet ‘damtori i katundit”? Ai ka përhapur të ligën, ka rrejtë, ka desinformuar në tribunë, i ka ba dam krejt katundit. Siç kanë mashtruar flamengot, revolucioni, mashtron non-grata  edhe deputeti, kisha e xhamia, media, çdo batakçi.

Atëherë, sigurisht mund t’i priten pemët.

E gjitha është në alegori, sigurisht. Por që duhen ndëshkuar këta që kudo përhapin rrena, algoritme, pesimizëm, lajme të rreme, shpifje.

Këta tani kanë emra, njëri Lul e tjetri më Lul.

 

Next Post
Bilanci i Ministrisë së Mbrojtjes: Si paraqitet situata me zjarret në 24 orët e fundit

Bilanci i Ministrisë së Mbrojtjes: Si paraqitet situata me zjarret në 24 orët e fundit

Leave a Reply Cancel reply

Your email address will not be published. Required fields are marked *

TË FUNDIT

Sulm me raketa dhe dronë në Riad, dëmtohet kulla e gjigantit saudit të naftës Aramco

Sulm me raketa dhe dronë në Riad, dëmtohet kulla e gjigantit saudit të naftës Aramco

November 9, 2026
Valixhja e tmerrit në Athinë: Vajza u gjet me këmbë të lidhura, 2 pistat policore dhe dyshimet për serial killer

Valixhja e tmerrit në Athinë: Vajza u gjet me këmbë të lidhura, 2 pistat policore dhe dyshimet për serial killer

November 9, 2026
Pse amerikanët po rebelohen kundër Musk dhe gjigantëve të teknologjisë?

Pse amerikanët po rebelohen kundër Musk dhe gjigantëve të teknologjisë?

November 9, 2026
Greva në Infrakos paralizon trenat në Kosovë, pezullohen të gjitha linjat

Greva në Infrakos paralizon trenat në Kosovë, pezullohen të gjitha linjat

November 9, 2026
Tre skenarë për qeverinë e re në Izrael, Eisenkot kërkon aleatë për të larguar Netanyahun

Tre skenarë për qeverinë e re në Izrael, Eisenkot kërkon aleatë për të larguar Netanyahun

November 9, 2026
Ra pre e spiunazhit kinez? Trump “thyen heshtjen” për skandalin që përfshin shefin e Nvidia-s

Ra pre e spiunazhit kinez? Trump “thyen heshtjen” për skandalin që përfshin shefin e Nvidia-s

November 9, 2026
Horoskopi i Brankos për sot, e premte 28 gusht 2026

Horoskopi i Brankos për sot, e hënë 9 nëntor 2026, dashuria, puna dhe fati për të gjitha shenjat

November 9, 2026
Horror në Athinë, gjendet trupi i pajetë i një vajze brenda një valixheje

Horror në Athinë, gjendet trupi i pajetë i një vajze brenda një valixheje

November 9, 2026
Shqipëria ka mjekë sa 53% e mesatares së BE-së, në raport me popullsinë

Shqipëria ka mjekë sa 53% e mesatares së BE-së, në raport me popullsinë

November 9, 2026
Vdes i riu që vrau 9 persona në Poloni. Publikohen videot e përplasjes së përgjakshme me policinë

Vdes i riu që vrau 9 persona në Poloni. Publikohen videot e përplasjes së përgjakshme me policinë

November 9, 2026
  • Adresa: Rruga “Mihal Popi”, Pallatet 1 Maji, Shkalla 26, Apartamenti 5, Tiranë
  • Email: javanews.al@gmail.com
  • Kontakt
  • Kreu
  • Rreth Nesh

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In