1 muaj më parë, ndalimi i një shtetasi izraelit në Rinas me një pajisje të dyshimtë bëri mjaft bujë. Ai shtetas u ndalua në kohën kur flitej edhe për grupime të jashtme që kërkonin të organizonin trazira në vend dhe shtoi frikën te institucionet ligjzbatuese. Por hetimet treguan se pajisja në fjalë nuk përgjonte, or thjesht neutralizonte përgjuesit. Shtetasi izraelit ishte pajtuar nga politikanë dhe biznesmenë që dyshonin se ëprgjoheshin në zyrat e tyre.
Kjo histori duket se rikthehet sërish, tashmë me protagonist një shtetas grek. Joannis Dragounis , u ndalua në Rinas me një pajisje të dyshimtë. Sipas burimeve të JavaNews, bëhet me dije se bëhet fjalë për të njëjtën pajisje që posedonte edhe izraeliti, një “OSC Correlator”, ose “Omni Spectral Correlator”. Edhe këtë herë, prokuroria vendosi bllokimin e pasaportës së shtetasit grek, deri në sqarimin e plotë të çështjes.
Por, çfarë është në gjendje të bëjë kjo pajisje? A mund të përgjohet me të?
Pajisja është e krijuar për të zbuluar përgjuesit e ndryshëm që mund të jenë aktiv. Ajo të mbron nga përgjimet audio dhe zbulon përgjuesit me rreze infra të kuqe. Pajisja ëhstë në formë valixheje. Në pjesën e poshtme përmban marrësin e quajtur TSCM ndërsa në pjesën e sipërme janë aksesorët që kryejnë funksionet. Pajisja funksionon përmes një baterie e cila karikohet njësojë si lap-topët apo celularët.
“OSC Correlator” monitoron në mënyrë autonome dhe neutralizon spektrin Audio, RF dhe IR brenda një hapësire të caktuar ku kryhet vëzhgimi. Po ashtu, mund të përdoret edhe në mënyrë manuale nga një ekspert. Të gjitha rezultatet e monitorimit që dalin në ekranin LCD printohen. OSC cilësohej si një rej pajisjeve më të përparuara dhe çmimi i tij varion nga 18.200 dollarë deri në 21.500. Kjo pajisje mund të ç’kodojë valët radio AM, FM, valët e gjera AM e FM, si dhe sinjalet CË e SSB.
Vështirë t’i përgjigjesh pyetjes nëse kjo pajisje mund të përshtatet edhe për përgjim nëse i shtohen aksesorë shtesë, por ajo që mund të thuhet është se OSC ëhstë e prodhuar me funksion neutralizimin e përgjuesve apo çimkave. Dyshohet se pajisjet e teknologjisë së fundit mund edhe të përshtaten për përgjime./JavaNews/a.m.
