Përfshirja e Monika Kryemadhit, ish-kryetare e LSI, në financime dhe pagesa të dyshimta nga kompani off shore të kontrolluara nga biznesmenë rusë të naftës ka qenë çështje diskutimi mbrëmjen e kësaj të hëne në “Top Story”.
I pyetur për këtë çështje, avokati Spartak Ngjela është shprehur se rrjedhja e këtyre informacioneve ka ardhur me leje të Uashingtonit, pasi sipas tij këto të dhëna kanë qenë në dorë të inteligjencës amerikane dhe askujt tjetër.
Duke akuzuar Kryemadhin për shitje të interesit kombëtar, Ngjela pyet: A kishte Rusia simpati për LSI apo bëhet fjalë për shrtirje të influencës në Ballkan?
Ngjela: Në këto moment konstatoj se është hedhur në sulm politika amerikane, sepse këto i ka pasur FBI-ja si informacione, askush tjetër.
Duma: Ti e shikon këtë si një veprim të FBI-së?
Ngjela: Ose të sherbimeve të tjera amerikane, por ka një gjë… Ushingtoni është në këtë mes sepse është Rusia. Bëhet fjalë për ndikimin në Ballkan. A kishte Rusia simpati për LSI?
Duma: Shumë pyesin nga i keni gjithë këto infiormacione avokat?
