Të jesh e veçantë nuk do të thotë gjithnëj që ke stil. Disa persona e ngatërrojnë individualitetin me shijet në mënyrën e të paraqiturit apo thënë ndryshe në atë të veshjes dhe qëndrimit. Sipas, prestigjiozes angleze DailyMail këto janë 10 situatat brenda së cilës mund të kuptoni se keni stil:
- Nëna juaj i urren rrobat tuaja. Sinqerisht, duhet të shqetësoheni nëse ajo nuk i urren ato.
- Mund të shikoni një veshje dhe të mendoni për të paktën 3 kombinime njëkohësisht. Përndryshe, nuk keni pse ta blini.
- I dashuri ju thotë se nuk e kupton ç’keni veshur. Buzëqeshni, pasi kjo do të thotë që veshja juaj nuk është e ngjitur pas trupit dhe e zezë.
- Mund të shkoni në dyqanin më të keq dhe të gjeni të vetmen veshje të bukur në të.
- Nuk vishni çdo gjë që është në modë, sepse e dini çfarë është ose nuk është në stilin tuaj.
- Nëse bëni një ndryshim, për shembull flokët, te ju duket shumë bukur.
- Njerëzit vazhdimisht duan të dinë ku i blini veshjet. Surpriza qëndron te markat jo shumë të njohura, pasi ata mendojnë se veshjet tuaja kushtojnë shumë.
- Kur ndihmoni miqtë tuaj të zgjedhin veshjet e duhura për të dalë, ata duken gjithnjë mahnitshëm. Më pas ju pyesin nëse mund t’i ndihmoni çdo ditë dhe ju duket e çuditshme, pasi kuptoni se nuk po bëjnë shaka.
- Më mirë të duroni dhimbjen, sesa të dilni me një veshje të shëmtuar. Siç thotë edhe Carrie Bradshaw, “Këto këpucë po më vrasin, por unë i dua”.
- Miqtë ju dërgojnë foto nga dhomat e zhveshjes, për të parë nëse ju pëlqejnë zgjedhjet e tyre. Më pas ata vështrojnë fotot, duke pritur me padurim përgjigjen tuaj.
