Që kur nisi lëvizjen e “Foltores”, Sali Berisha, përveç betejës për të rimarrë PD-në, premtonte protesta të fuqishme për rrëzimin e Edi Ramës.
Të njëjtën gjë po përsërit edhe tani që ka marrë Partinë Demokratike.
Ndërsa ndodhej një ditë më parë në Elbasan, në një takim më disa demokratë, Berisha tha se shumë shpejt do të nisin protestat për të rrëzuar regjimin e Edi Ramës.
Deri më tani, në fakt ka mbetur veçse tek fjalët.
Nëse do të kishte një kohë më të mirë për protesta kundër Qeverisë, është tani, kur pakënaqësia e qytetarëve është në kulm, për shkak të krizës së çmimeve.
Por pse nuk i nxjerr Berisha njerëzit në shesh, ashtu siç premton?
Arsyeja është e thjesht: Ai e di që nuk ka fuqi politike, për të organizuar protesta të mëdha.
Këtë e pa edhe në protestën që organizoi për marrjen e selisë së Partisë Demokratike, ku mbezi mblodhi disa qindra persona, nga ata kamikazët që e ndjekin në çdo marrëzi, pasi qytetarë ai nuk mbledh dot më.
Dhe nëse nuk merr dot godinën e SHQUP, imagjino sa fuqi ka për të marrë fjala vjen godinën e Kryeministrisë.
Ndaj dhe i mban me shpresa të kota ndjekësit e vet, duke premtuar protesta, me shpresë se pas 24 korrikut do t’i bashkohet edhe Ilir Meta dhe bashkë mund të mbledhin disa mijëra njerëz.
Veçse as këtë nuk e ka të sigurtë më, pasi Meta duket sikur po e “dredh”!/ tema
g.kosovari
