A ju dëmtojnë kunjat e veshëve, ja disa fakte
Pas larjes së veshëve a është e shëndetshme ti pastrojmë ato më hollësisht duke përdorur kunjat? Kjo është një pyetje që shtrohet nga shumë njerëz. Ja çfarë thonë studimet: Shumë njerëz përdorin lapsa, stilolapsa, çelësat e makinave, kunja pambuku , kur vjen puna për të pastruar veshët.
Sipas studimeve të fundit përdorimi i kunjës (ose sendeve të tjera)mund të çojë në dëmtime të veshit dhe problemeve të ngjashme. Duhet të dini se veshët pastrojnë veten e tyre. Kur vendosim kunjë pambuku brenda veshit, transferojmë mikrobet që përmban pambuku në vesh.
Kjo mund të çojë në infeksion dhe sëmundje të daulles së veshit. Daullja e veshit është një shtresë e hollë që mund të dëmtohet ose shpohet nga fërkimi i pambukut . Një problem afat shkurtër mund të jetë infeksion, por problemi afatgjatë mund të jetë humbja e dëgjimit përgjithmonë.
Sipas një raporti të publikuar në Telegraf, më shumë se 7000 njerëz shkojnë në spital për shkak të lëndimeve të veshit të shkaktuara nga përdorimi i kunjave. Përdorimi i rregullt i kunjave të pambukut mund të shkaktojë acarim të lëkurës, infeksion, apo një dëmtim të madh, duke përfshirë humbjen e dëgjimit. Sipas departamentit të Otolaringologjisë, pjesa që duhet të pastrohet është pjesa e jashtme e veshit.
