Agron Shehaj, kryetari i Partisë Mundësia, i ftuar në “Opinion” në News24, u shpreh se rezultati nuk do të ndryshojë nga rinumërimi i kutive në Tiranë dhe subjekti që ai drejton nuk mund të humbë mandat.
Shehaj thotë se 1200 vota diferencë është shumë e madhe dhe nuk ka mundësi të përmbysen nga procesi i rinumërimit.
Agron Shehaj: “1200 vota diferencë nuk është një rezultat i ngushtë. Rinumërimi nuk ka për të nxjerrë një rezultat ndryshe. Ndërkohë që flitet se do të nisë rinumërimi, ne kemi parë videot, PD nuk i është mohuar asnjë votë, përkundrazi, mund të ketë marrë disa vota që nuk i takonin. Është një numër i papërfillshëm.
Nuk mund të flasim për manipulim, mund të jenë edhe thjesht gabime njerëzore. Ajo që del nga rinumërimi që kemi bërë ne, nuk ka asnjë mundësi që diferenca e 1200 votave të përmbyset, përkundrazi, mund të rritet.”
