Një teknikë e re revolucionare ua ka mundësuar shkencëtarëve që t’i përdorin vargjet e ADN-së për të ruajtur aty fotografitë digjitale.
Gjatë viteve të fundit, mekanizmat kompjuterikë për ruajtjen e të të dhënave janë duke u bërë gjithnjë e më të sofistikuara dhe tani, kërkuesit shkencorë nga Universiteti i Uashingtonit, ia kanë dalë që gjërat t’i ngrehin në një nivel të ri, duke përdorë blloqet ndërtuese të jetës për ruajtjen dhe rikthimin e të dhënave digjitale.
Për ta arritur këtë, ekipit iu desh që t’i konvertonte vlerat binare, të cilat paraqesin pamjet, në katër blloqet ndërtuese të ADN-së – adeninë, guaninë, citozinë dhe timinë.
Pasi që u arrit kjo, kërkuesit sintetizuan ADN-në artificiale bazuar në këto vlera. Edhe pse kjo metodë nuk ka gjasa që të hasë në përdorim të gjerë së shpejti, ajo është interesante për të ardhmen.
