Partneri juaj mundohet që të jetë më autoritativ dhe shpeshherë ju mundon fakti që gjithmonë pret nga ju që t’i përgatitni ushqimin dhe t’ia pastroni rrobat. Edhe kur grindeni gjithmonë fiton ai. Termi machista iu referohet burrave të cilët ushqejnë mendimin se gratë janë krijuar për t’iu shërbyer burrave.
Ja disa nga shenjat që partneri juaj është një machista:
Pret që të gatuani për të çdo ditë
Atij nuk do t’i interesojë aspak fakti se ju mund të keni pasur një ditë të lodhshme dhe ta gjatë në punë, dhe vetëm dëshironi të hidheni në shtrat. Ndoshta do të ishte mirë që ai të ju përgatiste diçka për të ngrënë, por gjithmonë ndodh e kundërta. Ata e duan gjithmonë gati ushqimin e gatuar në shtëpi.
Ju krahason me nënën e tij
Një mashkull tradicional, me mentalitet seksit, do të ju krahasojë gjithmonë me nënën e tij. Ai mendon se ju duhet të zini vendin e saj duke i larë rrobat, duke ia bërë gati rrobat për punë, tamam sikur bënte nëna e tij kur ai ishte i vogël.
Nuk ju përkrah
Atij nuk i intereson asnjëherë se si ishte dita juaj në punë, apo se si shkoni me studimet. Nuk do t’i bëhet vonë edhe nëse ju jeni e shqetësuar se shefi juaj u ka bërtitur në prani të të gjithë kolegëve tuaj. Puna juaj dhe se çfarë bëni gjatë tërë ditës, nuk do t’i interesojë.
Nuk i fitoni debatet
Gjithçka gjithmonë është faji juaj. Ai kurrë nuk ju kërkon falje për diçka që e bën gabim. Kur ju grindeni ua mbyll debatin me banalitete dhe ju nuk e dini si tingëllon kërkim-falja e thënë nga ai.
Ai flirton me vajza tjera
Nëse ai flirton me vajza tjera dhe e di se juve iu pengon shumë, dhe vazhdon ta bëjë atë gjë, dijeni se jeni të lidhura me një person të pamatur.
Pret të silleni sipas mënyrës së tij
Ai gjithmonë ju tregon se çfarë duhet të bëni dhe si duhet të silleni. Pret që ju të silleni sipas mënyrës së tij. Është në rregull me faktin se ai mund të bëjë çdo gjë, por kur është çështja që ju të bëni çfarë bën ai, e keni rreptësisht të ndaluar. Daljet natën vonë, apo gjurmimi i telefonit tuaj janë diçka që ai mund t’i bëjë kurse ju jo.
Duhet të dukeni gjithmonë seksi për të
Një mashkull machista, nuk ju duron me flokë të lidhura keq apo me tuta sportive apo të pa grimuar. Për të duhet gjithmonë të jeni duke u dukur bukur dhe e rregulluar.
Mendon se është personi më me ndikim në jetën tuaj
Ai mendon se prezenca e tij në jetën tuaj është gjithçka dhe se ju nuk mund të jetoni pa të. Ai mendon se këshilla e tij është gjithmonë më e mira në botë.
