Nga Ergys Mërtiri
A eshte e vertete qe Big Brother ndiqet po kaq shume ne te gjithe boten, siç na thone apologjetet e banalitetit?
Sipas te dhenave nga Britania e Madhe, gjate vitit 2023 nje film dokumentar mbi natyren ka terhequr trefishin e audiences se premieres se Big Brother-it te rikthyer pas 5 vitesh mungese.
Filmi dokumentar Planet Earth renditet i teti ne 10 eventet me audiencen televizive me te madhe. Ai mblodhi rreth 7.4 milion shikues para ekranit nga 2.5 milion qe pati premiera e BB, e cila as qe iu afrua 10-shes.
Qe Big Brother eshte nje produk televiziv i llojit me te keq, qe ai shfaq banalitet ne nje nivel fyes per publikun e qe ai eshte i demshem per shoqerine, kjo eshte dicka e mirepranuar ne nje rreth te gjere kritikesh kudo neper bote dhe nuk ia vlen ta diskutojme.
E papranueshme eshte qe disa cinike neper media kerkojne ta amnistojne banalitetin duke thene se produkte te tilla i kerkon tregu dhe nuk kemi perse shqetesohemi sepse kjo ndodh ne te gjithe boten.
Sigurisht fenomene problematike ka ne te gjithe boten, por kjo nuk eshte nje arsye per te mos u shqetesuar dhe aq me pak per ti pranuar problemet si te mireseardhura.
Fundja ne te gjithe boten, paralelisht me problemet ka dhe njerez qe i kritikojne. Kerkesa per te mospranuar kritiken, ne emer te normalizimit te fenomeneve te kohes eshte dicka edhe me banale se vete produktet qe ata mbrojne dhe, per me teper, eshte dicka qe nuk ndodh ne te gjithe boten.
Por pervec kesaj duhet ta themi qe nuk ka nje vend te botes ku audienca shkon ne nivele te tilla sa ne Shqiperi.
Audienca e BB preku rreth 3-4 perqind te popullsise britanike, ndersa ne Shqiperi u boshatisen rruget duke u berthyer te gjithe para ekranit me burra e gra, te moshuar e femije.
Sigurisht ky eshte lajm i keq per gjendjen kulturore te shoqerise dhe kjo tregon keqedukimin e saj.
Audienca nuk eshte dicka natyrore qe i perzgjedh produktet mbi baze principesh primordiale te vendosura qe me lindjen e njeriut.
Ajo eshte dicka qe kultivohet dhe rendja e shqiptareve per tu ushqyer ne pleh tregon sesi jane kultivuar shijet, botekuptimet, mendesite e tyre. Kjo tregon vetem sesa e varfer eshte bota e tyre kulturore, per te cilen sigurisht eshte punuar vite me rradhe.
Kur media, politika, shkolla, mjedisi social e gjithcka tjeter kultivojne banalitet, shterpesi e injorance, patjeter qe kjo do reflektohet ne menyre kaq dramatike ne tregun mediatik, e me tej, kjo do te reflektohet ne gjendjen e djerrines kulturore ku ka ngecur shoqeria shqiptare.
