Halim Kosova, kandidati i PD-së për Bashkinë e Tiranës, e thotë shpesh në takimet e tij se ka qenë një menaxher i suksesshëm në punën e tij, paradite si drejtor i maternitetit “Mbretëresha Geraldinë” dhe pasdite në klinikën 5 katëshe private gjinekologjike “Petal” në Tiranë. Ditët e fundit në mediat online ka qarkulluar edhe fakti se kjo e fundit, klinika pra, ka një vlerë kapitale që sipas ekstraktit të QKR-së shkon në 2.6 milione dollarë dhe administrohet e drejtohet nga bashkëshortja dhe djali i tij.
Por, të tjera detaje duket se po dalin lidhur me periudhën që Halim Kosova ka drejtuar maternitetin. Ai përmendet si administrator i mirë, por burime nga punonjës të maternitetit gjatë kohës që ishte nën drejtimin e Kosovës, thonë se ai ka bërë vetëm fasadën e spitalit duke mbjellë lule, ndërkohë që nuk është investuar fare në aparatura.
Sipas tyre, eko e fundit në maternitet ka hyrë në vitin 2004, ndërkohë që aparat radiografie nuk ka patur fare, por deri në vitin 2014 është përdorur një aparat i prodhuar në vitin 1950, çka tregon sesa efektiv ka qene administrimi i maternitetit.
Por, ajo çka është edhe më e rëndë, sipas tyre, është fakti se kur Halim Kosova është larguar nga detyra e Ministrit të Shëndetësisë,ai ka vjedhur edhe krevatet e maternitetit.
Nga fotot meposhte shihet se eshte i njejti punetor qe ngarkon krevatet ne maternitet dhe i shkarkon ne klinike.
Pasi Kosova është larguar nga detyra, është bërë një inventar i maternitetit ku duket se janë kryer shkelje të shumta.
Ministria e Shëndetësisë ende nuk ka bërë publike të dhëna të tilla edhe pse kjo memo flet për abuzime me vlerë gati 50 milionë leke. TEMA
