Xhaxha Semi, është një simbol i Amerikës, dhe xhaxhai më patriot nga të gjithë. Imazhet e tij janë përdorur për dekada për të rekrutuar njerëzit në ushtrinë amerikane, dhe për të promovuar idealet e Shteteve të Bashkuara. Por si u bë kaq i famshëm ky personazh?
Personazhi i Xhaxha Semit, mund të jetë një ndërthurje e dy personazheve të mëparshëm, që u përdorën për të personifikuar kolonët amerikanë. Britanikët kishin një term tipik që përdornin për amerikanët pak dhe gjatë Luftës Revolucionare: Yankee Doodle.
Për britanikët, ai përshkruante një njeri rebel. Epiteti i dytë ishte “Vëlla Xhonatan”, një tjetër personazh i frymëzuar nga britanikët. Vëllai Xhonatani, përshkruhej si një fshatar, që shihej si i ngathët nga natyra, por që ishte në fakt mjaftueshëm i zgjuar dhe i aftë të kapërcente çdo lloj pengesë ose fatkeqësie.
Xhaxha Semi, ka marrë cilësitë më të mira nga të dyja këto personazhet. Gjithsesi, ka më shumë të ngjarë që personazhi i Xhaxha Semit, të jetë ishte modeluar sipas një personi që ka ekzistuar vërtet. Dhe ai ka qenë më gjasë Samuel Uillsoni. Ky ishte një patriot dhe një biznesmen nga qyteza e Trojës në shtetin e Nju Jorkut.
Ai ishte shumë popullor në komunitetin e tij, dhe njerëzit e thërrisnin me dashamirësi Xhaxha Semi. Gjatë Luftës Revolucionare për pavarësi nga Mbretëria Britanike, puna e Samuel Uillsonit në ushtri ishte të therte bagëtitë, të përgatiste dhe paketonte mishin për trupat në front.
Mishi ishte një furnizim jetik, dhe britanikët tentonin shpesh të pengonin furnizimet me ushqime për trupat amerikane. Në këto kushte, Uillson shërbeu edhe një roje i armatosur, duke mbrojtur bagëtinë nga armiku.
Pas luftës, ai e vazhdoi biznesin e përpunimit të mishit, ngriti një dyqan mishi dhe një fabrikë të paketimit të tij në Trojë. Gjatë Luftës së vitit 1812, Samuel Uillson siguroi furnizimin me mish për trupat amerikane. Ai dëshironte të sigurohej që ata ta dinin, që mishi ishte prodhuar në SHBA, dhe për pasojë ishte i një cilësie të lartë.
Prandaj e vuloste çdo fuçi të mbushur me mish me inicialet SHBA (US-United States). Pasi merrnin racionet e tyre, ushtarët bënin shpesh shaka, duke pretenduar se inicialet do të thoshin në fakt “Uncle Sam” (Xhaxha Semi”. Më 7 shtator 1813, nofka “Xhaxha Semi” u njoh zyrtarisht nga qeveria e Shteteve të Bashkuara.
Gjatë 50 viteve të ardhshme, nofkat Xhaxha Semi dhe Vëlla Xhanatan, u përdorën për të simbolizuar SHBA-në në një mënyrë më të personalizuar. Karikaturistët britanikes së revistës satirike “Punch”, pikturuan imazhe të dy personazheve. Si Xhaxhai Semi ashtu edhe Vëlla Xhonatani, përshkruheshin si burra të gjatë, elegantë, të moshuar dhe me kapele cilindrike në kokë.
Ndërkohë karikaturisti i famshëm amerikan, Tomas Nest, krijoi imazhin e Xhaxha Semit, që e njohim tashmë të gjithë. Nest, një karikaturist i njohur politik, nisi të vizatonte Xhaxha Semin në fillim të viteve 1870. Vizatimet e Nest, mbështeteshin shumë tek imazhet e publikuara më herët nga “Punch”. Nest e pikturoi Xhaxha Semin si një burrë të dobët, të gjatë, me mjekër dhe me flokë të bardhë.
Ai e veshi me pantallona me shirita dhe një kapelë cilindrike të zbukuruar me yje. Në disa paraqitje të tjera, ai mban veshur pantalona me shirita dhe yje, por në të tjerat, ka një pallto të gjatë deri në fund të këmbëve.
Imazhet e Nest, ndihmuan në shndërrimin e këtij personazhi në një simbol të qëndrueshëm të tiparit atdhetar të amerikanëve. Kur filloi Lufta e Parë Botërore, Xhejms Fleg krijoi një poster për qëllime rekrutimi, ku shfaqej sërish Xhaxha Semi, duke i dhënë një fytyrë asaj për të cilën duhej të luftonin ushtarët.
Në atë vizatim të famshëm, Xhaxhai Semi i tregon gishtin atij që e sheh nga afër, me fjalët e famshme “Unë të dua ty!”. Këto lloj posterash u përdorën sërish në Luftën e Dytë Botërore. Xhaxha Semi, mbetet ende sot një simbol i qëndrueshëm i patriotizmit dhe krenarisë amerikane, dhe shërben si “fytyra” e SHBA-së në botë. (TTnews)/ l.m
