Autoritetet gjermane kanë nisur hetimet në lidhje me dyshimet për mashtrim me fondet e organizimit të botërorit të futbollit në vitin 2006, organizuar në këtë vend.
Sipas BBC Policia e Frankfurtit ka nisur një aksion blic në Federatën Gjermane të Futbollit.
Prokurorët gjermanë kanë ushtruar kontrolle në Shtëpinë e Presidentit të Federatës Gjermane, Wolfgang Niersbach dhe paraardhësit të tij Theo Zëanziger.
BBC bën me dije se institucioni i futbollit në Gjermani, akuzohet se ka paguar 6.7 milionë euro për të blerë votat, që mund të siguronin organizimin e botërorit.
Presidenti i Federatës Niersbach, mohoi lidhjet e institucionit që ai drejton me këtë skandal, por paraardhësi i tij Zëanziger, në një intervistë për Der Spiegel e akuzoi atë për mashtrim.
Disa ditë më parë, edhe legjenda e futbollit gjerman Franz Beckenbauer ishte në listën e të akuzuarve, nën cilësinë e Presidentit të Komitetit Organizator të Kampionatit Botëror.
Beckenbauer tha se ka pasur gabime për fitimin e të drejtës së organizimit të eventit të rëndësishëm sportiv, por mohoi të jenë blerë votat.
Nën hetim janë edhe organizimet për botërorët e 2018 dhe 2022, respektivisht në Rusi dhe Katar.
