Sot Kopshti Zoologjik në Bronks të Nju Jorkut është një nga më të mëdhenjtë në botë. Hapësira ku mbahen majmunët është e bollshme
Por në vitin 1906, në këtë Kopsht Zoologjik jetonte në kafaz edhe një njeri.
Ota Benga ishte rrëmbyer në Kongo nga një supremacist i bardhë dhe ishte futur në kafaz me orangutanët.
Qindra njerëz vinin përditë për të parë këtë njeri në kafaz.
Në hapjen e “ekspozitës” së tij ishin të pranishëm më shumë se 250 mijë njerëz, një rekord.
Madje gazeta NY Times publikoi një poemë për personin e famshëm në Kopshtin Zoologjik, raporton Express.
Ota Benga cilësohej si shembulli i fazave të para të evolucionit njerëzor.
Çdo ditë ai i nënshtrohej një poshtërimi në sy të njerëzve dhe kjo ishte e sanksionuar nga drejtori i kopshtit, William Hornaday, një zoolog me famë botërore.
I lodhur nga ky poshtërim, Benga u vetëvra në vitin 1916, kur ishte 32 vjeç.
Tani është botuar një libër me historinë e tij.
