Me motin e nxehtë të stinës verore, është normale që shumë meshkuj të mos mbathin çorape shkaku i nxehtit. Nga tani e deri në tetor, çorapet janë pjesë opsionale e gardërobës tuaj, transmeton Telegrafi.
Por, çfarë mendojnë ekspertët për këtë çështje? A është më mirë ta shfrytëzoni mundësinë dhe të ecni zbathur apo t’i mbani këmbët të mbuluara?
A duhet të mbathni çorape?
Përgjigja e thjeshtë është PO! Nëse jeni duke mbathur këpucë të çfarëdo lloji, patjetër se duhet të mbathni edhe çorape. Këmbët tuaja prodhojnë lagështi çdo ditë dhe nëse e lini atë lagështi të zhytet në këpucët tuaj, atëherë do të filloni të keni probleme me këmbë.
Atletet pa çorape
Mbathja e atleteve pa mbathur çorape më shumë bëhet si lloj stili për t’i shfaqur nyejt e këmbëve. Hapësira lakuriqe mes këpucëve dhe xhinseve duket me të vërtetë mirë. Por, prapëseprapë është e rëndësishme të mbathni çorape të llojit që nuk shihen.
ma.me
