A duhet të puthen në buzë fëmijët?
Prindërit janë përfshirë në një debat të madh pas komentit të një doktori se puthja e fëmijëve në buzë
është “shumë seksuale”. Në një artikull të Your Tango, rreth asaj se nëse duhet të puthen fëmijët në buzë apo jo, është cekur deklarata e diskutueshme e bërë nga psikologu i fëmijëve dhe profesori Dr. Charlotte Reznick.
Dr. Reznick ka thënë: “Puthja në buzë mund të jetë stimuluese. Është shumë hutuese. Nëse mami e puth babin në buzë dhe e kundërta, çfarë kuptimi ka, kur unë, një djalë apo vajzë e vogël, i puth prindërit e mi në buzë?
“Nëse më duhet të përgjigjem se kur duhet të ndalohet puthja e fëmijëve në buzë, ajo do të ishte TANI”. Këto komente i kanë ndarë prindërit në dy grupe, duke krijuar debate të nxehta online dhe në radio.
Disa prindër madje nuk mund ta besojnë që kjo paraqet problem. “Sapo e pash në lajme: ‘mos i puthni fëmijët në buzë, është shumë seksuale’. Nuk dua të jetoj më në këtë botë”, ka shkruar njëri.
Nga ana tjetër, ekspertët e tjerë nuk pajtohen me Dr. Reznick. Psikologja SallyAnn McCormack ka thënë për The Sun se nuk është aspak e vërtetë që puthja e fëmijëve në buzë nga ana e prindërve të tyre mund të jetë hutuese për të vegjlit.
“Kjo është si të thuash ushqyerja me gji është hutuese. Disa njerëz mund të kenë probleme me të, por nuk është më seksuale se masazhimi i shpinës në një fëmije”, ka shtuar McCornmack.
