Pas ngjarjes së rëndë të ndodhur në Prekal të Dukagjinit, ku një 20 vjeçar i mori jetën 2 të rinjve çekë, në rrjetet sociale ka shpërthyer një mllef i pazakontë, siç e pazakontë dhe e tmerrshme ishte ngjarja.
Në çdo lajm që javanews.al ka përcjellë në kohë reale rreth ngjarjes dhe operacionit të policisë, lexuesit kërkojnë për të riun 20 vjeçar dënim me vdekje.
Dënimi me vdekje është një temë që është diskutuar edhe të tjera herë kur raste të tmerrshme krimi kanë ndodhur, ndaj edhe në këtë rast, unanimisht lexuesit kërkojnë që ky ligj të rikthehet në fuqi.
Dje, javanews.al solli një foto nga dënimi i fundit me vdekje në Shqipërinë e vitit 1992, e unanimisht lexuesit thanë që ai ligj duhet të jetë në fuqi edhe sot, ndoshta kjo nga dhimbja dhe tmerri i krimit të ndodhur në Prekal të Dukagjinit.
A është në të vërtetë zgjidhje ky ligj? Vendet e BE, ku në aderojmë të integrohemi nuk e kanë një ligj të tillë, ndërkohë që në SHBA disa shtete e zbatojnë
Ky është një diskutim që mesa duket, pas kësaj ngjarje do të jetë objekt debati midis atyre që mbështesin dënimin me vdekje dhe atyre kundër.
Do ishte më mirë ndoshta që drejtësia të bënte drejtësi dhe të mos jepte vendime qesharake që më pas rezultojnë fatale, siç ishte rasti i Dukagjinit, mirëpo këtë do e tregojë koha.
F.M
