Ish-deputetja e Partisë Demokratike, Rudina Hajdari deklaroi se vetë do të jetë në Gjykatën e Apelit më 3 mars, kur dhe do të jepet vendimi për vulën e kësaj force politike.
Në një intervistë për Euronews Albania, Hajdari u shpreh se nuk e di nëse do ketë protestues para gjykatës, por ajo do të shkojë si qytetare e thjeshtë për të ndjekur procesin.
“Unë si Rudinë, marr përsipër vendimet e mia si qytetare, sepse mendoj që është e rëndësishme për të qenë te gjykata, për t’ia kujtuar se kush ishte Partia Demokratike e 32 viteve. Ashtu edhe si e bija e Azem Hajdarit, nuk mundet që sot, vendimi i gjykatës, pra kryetari i Partisë Demokratike të vendoset nga një vendim gjykate.
Presion? Unë nuk kam asnjë lloj pushteti mbi gjykatën. Gjykata ka autoritetin e vet dhe do marrë vendimin e saj. Por ama, si qytetare e thjeshtë, unë kam të drejtë ta informoj gjykatën për mendimet e mia, për të ngritur zërin tim”, theksoi ajo./m.j
