Pas operacionit që kreu ditën e djeshme në spitalin Hygeia, Einxhel Shkira do të rikthehet në Big Brother VIP. Produksioni ka konfirmuar përmes një njoftimi zyrtar duke thënë se moderatorja është në gjendje të mirë shëndetësore dhe së shpejti do të rikthehet në garë.
“Big Brother” ka vendosur pas konsultimit me ekipin mjekësor se Einxhel është në gjendje të mirë shëndetësore dhe së shpejti do të rikthehet në garë duke iu bashkuar shtëpisë më të famshme në Shqipëri!
Stafi bën me dije se vendimi është marrë pas konsultimin me ekipin mjekësor të Hygeia-s. Gjatë spektaklit u transmetuan pamjet nga momenti që Einxhel la shtëpinë për të shkuar drejt spitalit. Ajo ndoqi live spektaklin nga spitali, nga ku falenderoi banorët për ndihmën që i dhanë pas incidentit që pësoi.
Incidenti i rëndë ndodhi teksa Einxhel Shkira po zhvillonte një nga lojërat e organizuara me konkurrentët e tjerë. Sfida ishte të hipte sipër një “rrotë” të improvizuar (një nga kolltuqet në shtëpi) dhe të rrotullohej së bashku me të. Në fillim banorët e pritën me të qeshura dhe me shaka por moderatoja shprehu mbrëmë se në momentin e incidentit nuk ka dashur të përhapë panik ndaj e ka kaluar me të qeshur. Gjithashtu ajo falendëroi banorët që i kanë qëndruar afër.
