Në datë 21 qershor do të vendoset nëse do të rihapet dosja e vrasjes së Azem Hajdarit, pas kërkesës së Izet Haxhisë, i cili u ekstradua rreth një muaj më parë nga Turqia
. Ai ka mohuar të ketë gisht në vrasjen e Azem Hajdarit 12 shtatorin e vitit 1998, ngjarje për të cilën ai është dënuar me 25 vite burg si bashkëpunëtor, ndërsa kërkoi ballafaqim me Sali Berishën.
“Prokurori që është në sallë është shërbëtor i Berishës. Unë duhet të isha ekstraduar që në kohen e Aldo Bares se ndoqëm të njëjtën rrugë në gjyqe. Ekstradimi im nuk u krye se nuk i interesonte Berishës”, deklaroi HAxhia
Sot pritet që të shpalosen pretendimet e Prokurorisë, pasi kërkesa e palës mbrojtëse ishte rihapja e këtij procesi. Avokati i Haxhisë Bashkim Nikolla seancën e kaluar paraqiti një dokument të SHIK-ut, i cili ishte raport për vrasjen e Hajdarit, ku sipas tij Haxhia nuk është përmendur asnjëherë.
ma.me
