Këtë javë do të zhvillohen dy seanca parlamentare, të enjten dhe të premten. Kjo mund të jetë një mundësi që opozita të thyejë bojkotin, pasi në seancën e së premtes pritet që të diskutohet vetingu në politikë, propozimi i bërë nga opozita.
Pas mbledhjes së grupit parlamentar të PD, Basha u pyet nëse do të kthehet në seancë këtë javë, dhe kreu i demokratëve u përgjigj:
Kur do të ktheheni në Parlament të enjten apo të premten?
“Atë do ta bëjmë te ditur pasi të kemi marrë nje vendim politik me aleatët tanë“, tha Basha
Basha pas mbledhjes së grupit parlamentar paraditen e sotme ka deklaruar se forca që drejton mbështet me të gjitha format dhe mënyrat protestën e studentëve.
“Sot është protesta e studentëve, ne e mbështesim me të gjitha format dhe mënyrat, jemi atje, me shpirt dhe mendje, njerëzit tanë i mbështesin me të gjitha format dhe mënyrat. Jam i vetëdijshëm, kundërshtari po mundohet ta instrumentalizojë politikisht protesten. Nuk ka nevoje te bejme akte protagonizmi. Ata kanë një kërkesë të thjeshtë për plotësimin e tetë kërkesave.” tha ai.
Basha zbuloi edhe arsyen se pse opozita nuk e coi ligjin e arsimit te larte ne Kushtetuese
“Nuk e çuam në gjykatën Kushtetuese ligjin e arsimit të lartë sepse Kushtetuesja ishte e kapur nga Edi Rama. Rama ka kapur mediat, prokurorinë. Rama po perdor propaganden dhe percarjen”, deklaroi Basha
a.çupaj
